Kreu i Shtetit, Ilir Meta, e ka nisur ditën me ecje nga Liqeni i Tiranës, dhe këshillon të gjithë qytetarët të merren me aktivitet sportiv. Ai shfaqet i veshur sportiv, ndërsa me dy gishtat lart përshëndet qytetarët.
“Mirëmëngjes të gjithëve! Mos harroni aktivitetin sportiv. Mendje e shëndoshë, në trup të shëndoshë!”, shkruan Meta.
Dje Parlamenti me 97 vota kundër rrëzoi dekretin e Presidentit, i cili ktheu për rishqyrtim ligjin duke kërkuar që të zbatohet pakti i 5 qershorit. Mazhoranca nuk e mori parasysh dekretin, dhe falë opozitës siguroi votat e nevojshme duke sjellë një epokë të re në sistemin politik.
Gjatë ditëve të fundit, Meta iu drejtua Komisionit të Venecias, duke kërkuar opinion për Kodin Zgjedhor.
