Kryetari i Partisë Republikane, Fatmir Mediu është shprehur se bisedimet me Partinë Demokratike për arritjen e një marrëveshjeje vijojnë.
Në ”Open”, Mediu tha se PR-së i takon një deputet në Tiranë, sepse e ka fituar gjithmonë, ndërsa përmendi edhe Shkodrën e Fierin.
Ai shtoi se sa më shpejt të arrihet marrëveshja me PD-në aq më mirë është, ndërsa u shpreh se asnjë votë e PR-së nuk do të shkojë për kryeministrin Edi Rama.
“Mua mu tha se çfarë do PR. Mos më thuaj të jap atë që kam. Unë i thashë se PR do të fitojë së bashku me PD dhe aleatët. Që të rritemi duhet të bashkohemi. Na takon 1 deputet në Tiranë, e këmi marrë gjihtmonë, edhe në Shkodër e Fier…Sa më shpejt aq më mire të arrihet marrëveshja. Ose do bëjmë marrëveshje me PD ose do vazhdojmë vetëm. Por asnjë votë e jona s’do shkojë për Ramën. Nëse duan të mundin qeverinë e Ramës atëherë besoj se do kemi një marrëveshje,”- tha Mediu.
