Të enjten e kaluar, deputetët e rinj të PD dhe LSI kanë rënë dakord që t’i drejtohen me shkresë zyrtare Kuvendit për formalizmin e grupeve këtë javë.
Emri i Rudina Hajdarit është diskutuar si emri më i mundshëm, për kryesine e grupit parlamentar të PD.
Mirëpo, kreu i Partisë Republikane, Fatmir Mediu është shprehur se deputet e të ashtuquajturës ‘opozita e re’ nuk mund të krijojnë grup me emrin e LSI apo PD, sepse sipas tij nuk arrijnë ta përfaqësojnë nga ana juridike.
“Këta deputetë nuk mund të krijojnë grup me emrin e LSI-së dhe PD-së, pasi nuk mund ta përfaqësojnë nga ana juridike. Duhet të bëjmë sakrificat më ekstreme për të ruajtur demokracinë.
Mendoj se gjithsecili duhet të shikojë ku janë pikat që mund të ndërtohet një marrëdhënie duke filluar nga Presidenti dhe deri te partnerët tanë ndërkombëtarë. Këtu ka rol edhe Presidenti, edhe ndërkombëtarët, të gjithë”, deklaroi Mediu.
