Kryeministri i Shqipërisë Edi Rama, ka vendosur që samitin e “Open Balkans” ta zhvillojë në Elbasan në vend të Tiranës, ku sot nisën protestat e mbështetësve të Sali Berishës kundër tubimit para selisë së qeverisë, dhe ku iu vu zjarri flamurit serb.
Rama do të presë presidentin serb Aleksandar Vuçiç dhe kryeministrin e Maqedonisë së Veriut Zoran Zaev, të cilët duhet të mbërrijnë në Elbasan rreth orës 18:30, ndërsa darka zyrtare është planifikuar një orë më vonë.
Jim O’Brien, një këshilltar i lartë i Këshillit Atlantik dhe Alex Soros, nënkryetar i Fondacionit të Shoqërisë së Hapur, pritet gjithashtu të marrin pjesë në darkë.
Qindra mbështetës të tij iu përgjigjën ftesës së Berishës, duke u mbledhur para Kryeministrisë, në një kohë kur kryeministri shqiptar Edi Rama pritet të zhvillojë në orët në vijim një takim me presidentin serb Aleksandar Vuçiç.
Për momentin, vetëm Serbia, Shqipëria dhe Maqedonia e Veriut janë të përfshira në nismën rajonale “Ballkani i Hapur”.
Sipas mediave në Shqipëri, për të ruajtur rendin dhe qetësinë gjatë këtyre protestave janë angazhuar mbi 2000 pjesëtarë të policisë.
Sipas mediave shqiptare, grumbullimi i demonstruesve ka nisur në selinë e Partisë Demokratike, dhe më pas janë drejtuar drejt godinës së Qeverisë së Shqipërisë.
Burimi i lajmit: Kurir. Përshtatur nga Tirana Today
