Joe Biden ka qenë në banesën e tij, me familjen e tij në Delaware, kur ka parë lajmin se do të shpallej president. CNN raporton se sot në mbrëmje, pas këtyre raportimeve, Joe Biden do i drejtohet popullit amerikan.
Biden së fundmi ka fituar Pensilvaninë, vendin ku lindi, duke siguruar votat elektorale, mëse mjaftueshëm për të fituar zgjedhjet.
“Joe Biden ka fituar betejën dhe është zgjedhur Presidenti i Shteteve të Bashkuara”. Kështu raporton BBC, duke theksuar se projeksionet e bëra prej tyre nxjerrin Biden fitues në Pensilvani dhe tashmë ai kalon mbi 270 vota elektorale.
Trump e ka humbur garën, dhe deklaratat nga zyrtarët e fushatës së tij tregojnë se çështja do shkojë në Gjykatën e Lartë.
