Epoka e Lionel Messit te Barcelona ka përfunduar pas plot 21-vitesh. Argjentinasi ka falenderuar mes lotësh klubin Blaugrana dhe tifozët katalanas, teksa ka lënë gjithçka të hapur për të ardhmen. Duke iu referuar medias prestigjioze “ESPN”, çështja e transferimit të yllit argjentinas te gjiganti francez, është punë e kryer. Gazetari Laurens Julien, ka bërë të ditur se “Pleshti”, sot ose nesër do të kryej testet mjekësore, më pas do të zyrtarizohet si lojtari i ri i PSG-së.
BREAKING: Lionel Messi to PSG is DONE!
He will have his medical tonight or tomorrow morning in Paris before signing his contract sources have told @LaurensJulien
pic.twitter.com/eNb2cWOp3Z
— ESPN FC (@ESPNFC) August 8, 2021
34-vjeçari u largua nga Barcelona pas 21 vitesh qëndrim, me shumë suksese e emocione, teksa ditën e sotme zhvilloi në ambientet e “Camp Nou” edhe konferencën e lamtumirës.
“Është e vështirë që të gjej fjalë se çfarë të them pas një jete këtu. Unë nuk jam gati për këtë lamtumirë, sigurisht nuk është ajo që kam menduar. Jam i detyruar të largohem sipas rregullave të imponuara.
Kam ardhur këtu 21 vite më parë. Isha fëmijë dhe po largohem si burrë, kam grua dhe tre fëmijë. Shoh këtu shokët e mi të skuadrës, ata me të cilët jam rritur në këtë klub që më ka dhënë aq shumë, që më ka bërë të rritem e përmirësohem dhe të bëhem ky që jam. Për këtë fanellë dhashë gjithçka. I dhashë gjithçka Barcelonës për ta bërë klubin më të mirë në botë”, tha ai.
“PSG është një mundësi. Tani për tani nuk kam asgjë konkrete. Klubet e ndryshme janë interesuar për mua, por nuk ka asgjë të mbyllur. Ne po flasim me shumë skuadra sigurisht”.
