Media britanike shkruan se pas keqtrajtimit në kopshtin zoologjik të Fierit, kafshët po mbahen sërish në kushte të mjerueshme.
“Daily Mail” ka vënë sërish në fokus keqtrajtimin e këtyre kafshëve, ndërsa shkruan se tre luanë po mbahen të ndarë nga njëri-tjetri në dhoma të lagështa vetëm disa metra katrorë.
Ajo shprehet se: “Dymbëdhjetë vjeçari Zhaku dhe djemtë e tij tetë-vjeçar, Boby dhe Lenc, janë kapur në një ngërç burokratikë i cili i pengon ata të largohen nga vendi për të filluar një jetë të re. Që nga tetori ata janë mbajtur në kopshtin zoologjik të Tiranës, pasi u liruan nga një park kafshësh privat në Shqipërinë jugore, ku ata ishin të kequshqyer dhe mbahen në kushte tronditëse.”
Ndërkohë, organizata “Four Paws” e cila u përfshi në këtë operacionin për shpëtimin e kafshëve thotë se autoritetet refuzojnë të dorëzojnë dokumentacionin përkatës për të nxjerrë luanët jashtë Shqipërisë e për t’i dërguar ata në Afrikë.
