Në emisionin “Përputhen” është krijuar një situatë kaotike. Pasditen e djeshme ka plasur sherri mes opinionistit Arjan Konomi dhe konkurrentit Fatjoni. Teksa ishin duke debatuar për xhelozinë e Anës kundrejt Fatjonit, Arjani ka dhënë këshillat e tij. Por pas takimit të improvizuar në studio mes Fatjonit dhe Anës, vajzës më të re të emisionit, Arjani tha në mënyrë figurative për Fatjonin; “qenushit po t’i marrësh kockën, nxehet”. Këto fjalë nuk u pritën mirë nga Fatjoni, i cili si kundërpërgjigje iu drejtua me fjalën “këlysh”.
Arjani: Ti ke shumë probleme me edukatën
Fatjoni: Më the qenush, të them këlysh.
Arjani: Ti the që je sjellë shumë mirë me ne.
Fatjoni: Nuk më thua dot qenush.
Arjani: T’i japësh një këshillë të paditurit e bën armik, mbaje mend.
Fatjoni: Ti je injorant Arjan Konomi. Ti pak më parë i the asaj që qenushit t’i marrësh kockën, nxehet. Unë të thashë këlysh.
