Alvisa, një ndër vajzat e “Për’puthen” është komentuar gjerësisht për denoncimin që ajo bëri në emision, ndaj ish të dashurit. Kishte nga ata që e mbështetën, sikundër edhe shumë kritikë. Të shtunën në “Për’puthen Prime”, ajo rrëfeu se ka qenë viktimë e dhunës fizike nga Hyseni, gjatë kohës kur ishte në një marrëdhënie me të. Hyseni i kishte bërë disa përgjime Alvisës, dhe kaq mjaftoi që të dilte në pah një tjetër e vërtetë, ndryshe nga çfarë servirej në emision.
Në disa përgjime, që ish-konkurrenti i “Për’puthen” i kishte bërë Alvisës, doli që kanë qenë në komunikim gjatë gjithë kohës. Alvisa tha se ka folur me të, për ta bindur që të mos publikonte videot, ku ajo ishte jashtë programit me Bashkimin. Në një moment, opinionisti i “Për’puthen”, Arjan Konomi shpërtheu ndaj Alvisës, e madje duke e kritikuar dhe ofenduar se kishte gënjyer gjatë gjithë kësaj kohe. Por dje ai i kërkoi falje Alvisës, teksa tha se në atë situatë të papritur i mori rrjedha e ngjarjes dhe nuk arsyetoi.
“Më ra tensioni, u ndjeva keq, u kërkova ndihmë vajzave të emisionit. Situata ime fizike shkaktoi tronditje shumë të madhe. Kërkoj ndjesë publike që nuk e dënova shantazhin e hapur ndaj Alvisës”.
Po ashtu tha se organet kompetente duhet të vendosin. “Po të mos ndodhte emisioni, historia do të mbetej në heshtje. Historia të paktën të shërbejë si kurajo për të gjitha ato vajza që kanë rënë pre e dhunës, shantazheve. Të denoncojnë çdo rast”!
