Gjykata e Gjirokastrës ka lënë në burg 33-vjeçarin, Mihal Thimjo, i cili vrau me sende të forta mikun e tij, Gëzim Saraçi, pasi ktheheshin nga një drekë.
Ata po udhëtonin së bashku në një kamionçinë, në momentin që ka nisur edhe debati. Autori dhe viktima kanë qenë të dy nën efektin e pijeve alkoolike.
Thimjo tha para grupit hetimor se Saraçi e kishte ofenduar, duke e quajtur grek dhe më pas kishte tentuar ta qëllonte.
Kështu ai e ka qëlluar mikun e tij me sende të forta, duke e lënë atë të vdekur në vend. 33-vjeçari u largua menjëherë nga vendi i ngjarjes, duke e lënë viktimën brenda në kamionçinë.
Thimjo u kap pas 6 orësh kërkime nga policia e Gjirokastrës. Ai u ndalua teksa po largohej me një makinë në një rrugë nacionale.
