Kryetarja e LSI Monika Kryemadhi ashtu si shumica e shqiptarëve është vetëizoluar në shtëpi, në mënyrë që të mbrohet nga infektimi me koronavirus.
Së fundmi ajo nuk ka ngurruar që të ndajë me ndjekësit një foto ku shfaqet me përparëse, pranë lavamanit në shtëpinë e saj.
Ndër të tjera, Kryemadhi shkruan në Facebook se “priten nga qeveria veprime të menjëhershme për zbutjen e impaktit negativ që kjo situatë do ketë mbi ekonominë e vendit”.
Reagimi i plotë i Kryemadhit: “Prej ditës së djeshme, ka shumë prej jush që vazhdoni më pyesni si e kaloj ditën dhe gjithashtu të ndaj momente të tjera nga përditshmëria. Janë të shumta edhe komunikimet tuaja ku më tregoni si po i kaloni këto momente vështirësie emocionale dhe ekonomike.
Ndërsa ne përkujdesemi për familjet tona, priten nga qeveria veprime të menjëhershme për zbutjen e impaktit negativ që kjo situatë do ketë mbi ekonominë e vendit.
Është koha për ndihma sociale për më të pamundurit dhe masa ekonomike konkrete, që të sigurohet me çdo kusht mosmbyllja e bizneseve dhe ruajtja e vendeve të punës”.
