Holanda ka publikuar bilancin e viktimave të shkaktuara nga koronavirusi në 24 orët e fundit.
Sipas mediave vendase, 80 pacientë kanë humbur jetën orët e fundit si pasojë e komplikacioneve të shkaktuara nga virusi Covid-19.
Koronavirusi ka shkaktuar deri më tani 356 vdekje në këtë vend. Deri më tani në Holandë janë raportuar 6,412 raste infektimi, teksa Ministria e Shëndetësisë ka bërë me dije se numri mund të jetë më i lartë, pasi nuk janë testuar të gjithë.
Në Gjermani numri i të prekurve është 5-fish më i lartë se në Holandë, por numri i vdekjeve është më i ulët.
Nga më shumë se 32 mijë persona të infektuar që regjistrohen në Gjermani, janë shkaktuar vetëm 159 viktima. Pra më pak se gjysma e viktimave që janë shënuar në Holandë.
Koronavirusi vijon ta zgjerojë hartën e tij në botë, teksa ekspertët flasin për një epiqendër të re të këtij virusi në SHBA.