Kryetarja e LSI-së, Monika Kryemadhi në deklaratën e dhënë për mediat akuzoi mazhorancën për situatën e krijuar dhe mbështeti idenë e opozitës se ata njohin vetëm 13 tetorin si datë zgjedhjesh.
E pyetur nëse ka frikë nga drejtësia siç deklaron kryeministri Edi Rama, Kryemadhi tha se ‘i ngatërrohen zorrët e barkut’, kur flet ai për drejtësinë. Ajo u pyet gjithashtu nëse kryebashkiakët e opozitës do të lënë zyrat dhe përgjigjja e saj ishte se ata do jenë kryetarë bashkie, deri në zgjedhje të tjera.
Pjesë nga deklarata e Kryemadhit:
Zgjedhjet janë më 13 tetor. Votimet e PS janë të PS dhe janë ilegjitime. Ka një dekret presidenti të cilin e keni dhe në raportin e OSBE. PS po të donte mund t’i drejtohej gjykatës kushtetuese. Ka dhe një proces komplet të uzurpimit të sistemi të drejtësisë.
Aman se na ngatërrohen zorrët e barkut të dalë Edi Rama të flasë për drejtësinë. Kam vetëm një drejtësi të sjelljes së Edi Ramës në pushtet. I kemi dhënë pushtet një njeriu të çmendur, të kapur nga krimi. Është një drejtësi që do ta paguajmë diku tjetër jo këtu. Sot nuk është çështje date por çështje standardesh.
