Në kohën kur mbajtja e maskës tashmë është e detyrueshme në ambientet e mbyllura publike, si një masë për të frenuar përhapjen e koronavirusit, një mesazh sensibilizues vjen nga radhët e bluzave të bardha.
Ministrja e Shëndetësisë, Ogerta Manastirliu ka publikuar në Facebook mesazhin e mjekut Arben Baboçi, i cili i bën thirrje qytetarëve që të përdorin maskën, duke e krahasuar me atë të oksigjenit.
“Është shumë më e lehtë ta mbash këtë maskë, se sa maskën e oksigjenit. Beje për vete, për të dashurit e tu e për të tjerët që të rrethojnë”, është mesazhi nga Prof. Arben Baboçi.
Dita e djeshme kishte një ulje të kurbës së të infektuarve. Por ditët e fundit situata ka qenë mjaft kritike, ndërsa të shtruarit në spitale po shtohen çdo ditë.
