Prej kohësh, Fifi ka shprehur hapur pëlqimin që ka për Granit Canën. Madje banorët e “Big Brother VIP”, shpesh i kanë ngacmuar. Dyshimet vijonin edhe kur ka qenë spektakli. Shumë pikëpyetje ishin ngritur, nëse mes tyre nuk mund të kishte më shumë se shoqëri. Por duket se Graniti i ka dhënë drejtim kësaj çështje, ndërsa gjatë bisedës me Fifin ia bëri të qartë se mes tyre nuk mund të fuksiononte një lidhje.
Fifi nuk e përjetoi mirë, duke e ndalur bisedën, e shkuar në shtratin e saj. Teksa ishin në dhomën e gjumit duke diskutuar me Ilir Shaqirin dhe Sabianin, Cana nisi t’i fliste Fifit për ndjenjat e tij. Ai i tha se e do shumë si person, por nuk mund ta shohë dot më shumë se kaq.
Pjesë nga biseda:
Granit Cana: Është zgjatur pak shumë kjo puna jonë edhe ka ardh një moment që ndoshta edhe njerëzit po presin me kuptu ç’ka është kjo puna jonë. Të kam shumë për qejfi, të du shumë, shumë si person, por thjesht…
Fifi: Si motër…
Granit Cana: Jo, Jo…
(Fifi çohet dhe shkon në krevatin e saj, Graniti e ndjek nga pas). A mundesh me vazhdu të lutem.
Granit Cana: Pse bën kështu?
Fifi: Hape krahun, s’kam punë me ty e ke bllok. Ditën e mirë, natën e mirë! Më lër rehat! (Graniti çohet dhe largohet)
Ilir Shaqiri: Më mirë kështu, sesa ta kishe zgjat këtë muhabet. Po ta them troç që duhet të kishe pasur pak më shumë kujdes si je shpreh. Që ‘unë ndjej për ty, por si motër’. Më mirë të kishe nejt një hap më mrapa se sa shkove dhe u barazove me hapat e saj. Se edhe për atë do të kishte qenë më e lehtë sot me kapërdi gjonat.
