Vajza e cila ishte e zhdukur prej një muaji nga familja e saj në Durrës, ka dhënë një deklaratë shokuese. 17-vjeçarja ka pranur publikisht se ka kryer marrëdhënie me djalin e hallës me dëshirë, dhe se nuk është përdhunuar ashtu sikundër njoftoi më herët policia.
Adoleshentja u gjet në një banesë të marrë me qira nga një 24-vjeçar, i cili është dhe djali i hallës së saj. Ajo ka pohuar se me të kishte dhe një raport intim, pavarësisht lidhjes së tyre të afërt të gjakut.
“Kam shkuar me dëshirë, dhe nuk më ka përdhunuar. Kam qëndruar vetë më dëshirën time në shtëpinë e kushëririt. E kam djalë halle. Nuk kam dashur të lajmëroj prindërit. Doja të jetoja e qetë. Nuk kishin pse të bëheshin merak. Unë tani jam e rritur”, mësohet të jetë shprehur 17-vjeçarja në polici.
Burime policore bëjnë me dije se 24-vjeçari me inicialet Sh. F., është shpërndarës droge. Gjatë kontrollit në banesë, u gjetën dhe u sekuestruan rreth 400 gramë lëndë narkotike cannabis sativa, të cilën 24-vjeçari me inicialet Sh. F., e shiste me doza në zonën e plazhit në Durrës. Ky i fundit u arrestua nga policia, ndërkohë që adoleshentja u shoqërua në ambientet e komisariatit, për zbardhjen e plotë të ngjarjes.
