Një 17-vjeçare, e cila ishte larguar një muaj më parë, është gjetur nga policia në banesën e një 24-vjeçari i cili dyshohet që edhe të ketë kryer raporte seksuale me të renë. Burime zyrtare njoftojnë se gjatë kontrollit të ushtruar në zonën e plazhit, në një banesë të marrë me qira nga shtetasi me inicialet Sh. F., 24 vjeç, banues në Durrës, kanë gjetur të strehuar 17-vjeçaren që ishte larguar nga banesa.
Gjatë kontrollit në këtë banesë, kanë gjetur dhe sekuestruar rreth 400 gramë lëndë narkotike cannabis sativa, të cilën ky shtetas e shiste me doza në zonën e plazhit në Durrës. Nga veprimet e para hetimore, dyshohet se ky shtetas ka kryer marrëdhënie seksuale me 17-vjeçaren.
Njoftimi nga Policia e Durrësit
Specialistët për Hetimin e Narkotikëve dhe Trafiqeve në DVP Durrës, në bashkëpunim me specialistët e Seksionit Operacional të Policisë Kriminale, në vijim të punës për parandalimin dhe goditjen e veprimtarisë kriminale në fushën e shpërndarjes së narkotikëve, si dhe të kërkimeve për gjetjen e një 17-vjeçareje që ishte larguar nga banesa një muaj më parë, kanë bërë të mundur lokalizimin e vendndodhjes së saj. Gjatë kontrollit të ushtruar në zonën e plazhit, në një banesë të marrë me qira nga shtetasi Sh. F., 24 vjeç, banues në Durrës, shërbimet e Policisë kanë gjetur të strehuar 17-vjeçaren që ishte larguar nga banesa.
Po gjatë kontrollit në këtë banesë, shërbimet e Policisë kanë gjetur dhe sekuestruar rreth 400 gramë lëndë narkotike cannabis sativa, të cilën ky shtetas e shiste me doza në zonën e plazhit në Durrës. Nga veprimet e para hetimore dyshohet se ky shtetas ka kryer marrëdhënie seksuale me 17-vjeçaren. Në përfundim të veprimeve të para hetimore u bë arrestimi në flagrancë i 24-vjecarit Sh. F. dhe materialet i kaluan Prokurorisë, për veprime të mëtejshme.
