Vijon përplasja mes kreut të shtetit, Ilir Meta dhe qeverisë ‘Rama’. Nënkryetari i LSI-së, Petrit Vasili, i është bashkuar thirrjes së presidentit Meta, lidhur me protestën e 2 marsit. Ai rendit një sërë arsyesh pse populli duhet të dalë të protestojë në 2 mars.
Meta prej ditësh ka publikuar disa dokumente, për të cilat shprehet se janë fakte për atë që ai e quan grushti i shtetit i mazhorancës.
Në disa reagime për mediat, Meta ka thënë se mazhoranca ka bërë grusht shteti. Meta për grushtin e shtetit ka akuzuar kreun e KED, Ardian Dvoranin, të cilin e ka kallëzuar në SPAK. Në të njëjtën linjë ka qëndruar edhe Vasili, i cili duket se ka ripërsëritur akuzat e parashtruara më herët.
Statusi
2 Marsi i Kushtetutes, perballe antiligjit dhe horrllëkut qeveritar!
2 marsi si takimi mbarepopullor i te gjithe shqiptareve eshte momenti qe ndan gjerat.
Mbrojtja e Kushtetutes eshte mbrojtje nga antiligji qeveritar :
qe grabit pronen, qe ndeshkon njeriun e thjeshte dhe mbron hajdutet e qeverise,
qe dhunon cdo te drejte te njerezve te zakonshem dhe garanton cdo privilegj te çfrenuar te qeveritareve gangstere,
qe shkeljen e ligjit e quan normalitet dhe respektimin faj
qe lejon te grabiten miliarda me koncesione ndersa njerezit e varfer nuk sigurojne dot as buken e perditshme,
qe i mbyll gojen fjales se lire dhe paguan fjalen e maskarenjve mediatike te paguar nga qeveria,
qe lejon te pastrohen parate e pista qe asgjesojne mijra bisnese te ndershme,
qe jua ben jeten ferr shqiptareve aq sa ata ikin me mijra nga Shqiperia,
qe eshte gati te shkembeje shqiptaret me siriane e bangladeshas,
qe e shnderron Shqiperine nder tre vendet me te korruptuara te botes,
qe e shnderron Shqiperine ne Kolumbine e Europes.
qe ua shet edhe Shqiperine edhe Kosoven interesave me te zeza antishqiptare.
2 marsi eshte vija e ndarjes mes pabarazise perpara ligjit dhe drejtesise se barabarte per te gjithe.
2 marsi i jep fundit drejtesise se blere,te kapur e te rrembyer nga qeveria qe e mbron ate dhe denon egersisht njeriun e thjeshte.
2 marsi eshte beteja per Kushtetuten qe duan ta rrembejne dhe ta shqyejne Ram- rilindasit idiote te tij.
2 marsi eshte festa e ligjit dhe e barazise se njerezve te lire.
2 marsi eshte dita e rikthimit te dinjitetit te neperkembur nga degjenerimi arrogant i ram-rilindjes.
2 marsi eshte dita e ndarjes me horrllekun rilindas te antiligjit.
Meta tha dje se brenda ditës së hënë do të kallëzojë penalisht në Prokurorinë e Posaçme (SPAK) ministren e Drejtësisë, Etilda Gjonaj. Veç kësaj, ai i ka kërkuar ministres që të japë sa më parë dorëheqjen, dhe të përballet me drejtësinë.
Meta e akuzon Etilda Gjonajn për disa vepra penale, si “shpërdorim detyre”, “falsifikim” dhe “ndërhyrje të paligjshme” në procesin e përzgjedhjes së anëtarëve të Këshillit të Emërimeve në Drejtësi.
Ministrja e Drejtësisë Etilda Gjonaj reagoi menjëherë pas akuzave të bëra nga presidenti Ilir Meta. Gjonaj ka sfiduar publikisht Metën duke i thënë se është e gatshme t’i përgjigjet ligjërisht. Sa për kërkesën për dorëheqje, Gjonaj ironizon duke i treguar se ka në dorë vetëm të tijën.
