Mbyllet pas 3 orësh takimi mes kreut të LVV, Albin Kurtit dhe liderit të LDK-së, Isa Mustafa.
Mediat kosovare bëjnë me dije se edhe pas kësaj mbledhjeje, ata nuk kanë arritur të bien dakord për një marrëveshje për bashkëqeverisje. Ndërkohë mësohet se do të ketë edhe një takim tjetër ditën e nesërme.
“Në fund të takimit jemi pajtuar që të takohen nesër edhe njëherë. Për detaje të takimit do t’ju lajmërojmë nesër paradite edhe njëherë. Nuk kam detaje të tjera për momentin”, tha Mustafa pas takimit.
Edhe pse kanë kaluar 3 muaj nga zhvillimi i zgjedhjeve në Kosovë, dy liderët prapë nuk kanë arritur në krijimin e një marrëveshjeje. Edhe pse të dy subjektet më herët patën deklaruar se janë pajtuar për të gjitha çështjet lidhur me programin qeverisës.
