”Mblidhet shuma për operacionin”/ Arbër Hajdari jep lajmin e mirë për Noemin

Drejtuesi i Fondacionit ”Fundjavë Ndryshe’’, Arbër Hajdari ka shkuar ditën e sotme në qytetin e Beratit, ku vizitoi familje e Noemit, vajzës 1-vjeçare e cila vuan nga një sëmundje e rëndë.

Hajdari i dha lajmin e mirë nënës së saj, pasi u bë e mundur mbledhja e shumës prej 25 mijë eurosh për të kryer operacionin e nevojshëm për vajzën e vogël.

Teksa mbetet vetëm përgatitja për nisjen e operacionit, Hajdari ka falenderuar të gjithë bamirësisit për kontributin, si dhe emisonin ‘’Stop’’ për mbështetjen.

”Në Berat, për t’i dhënë lajmin e mirë nënës së Noemit, vajzës 1-vjeçare e cila vuan nga një sëmundje e rëndë.  Shuma 25.000 Euro u arrit, tani po përgatisim nisjen për operacionin e vajzës që për hir të vërtetës është i vështirë.

Faleminderit e mirënjohje të gjithë bamirësve që kanë kontribuar.  Faleminderit Emisionit Stop për mbështetjen.  “Bamirësia nuk të varfëron”, shkruan Hajdari në rrjetin social, Facebook.