Ministrja e Shëndetësisë, Ogerta Manastirliu, ka zhvilluar një takim me ekspertët e Komitetit Teknik, ku njofton se është domosdoshmëri vaksinimi i të pa vaksinuarve dhe aplikimi i dozës përforcuese, për të shmangur format e rënda të sëmundjes dhe fatalitetet.
Omicron ka rritur në mënyrë të ndjeshme numrin e të infektuarve. Rritja e rasteve lidhet me mbërritjen e emigranteve për festat e fundvitit, si dhe mos respektimi i masave nga vetë qytetarët.
Postimi i Ogerta Manastirliut:
Me ekspertët e Komitetit Teknik për të diskutuar për situatën e epidemisë në vend dhe vlerësimin e masave anticovid.
Është domosdoshmëri VAKSINIMI i të pavaksinuarve dhe aplikimi i DOZËS PËRFORCUESE, për të shmangur format e rënda të sëmundjes dhe fatalitetet, në kushtet e përhapjes në vendin tonë të variantit Delta dhe Omicron.
Zbatimi rigoroz i masave në fuqi, mbajtja e maskës në të gjitha ambientet e brëndshme dhe kudo ku nuk ruhet distanca, shmangja e grumbullimeve dhe ruajtja e distancës si dhe higjiena ndihmojnë në kufizimin e përhapjes së virusit.
