Tashmë ka nisur mbledhja e tetë e përbashkët mes dy qeverive, të Kosovës dhe Shqipërisë.
Kryeministri Edi Rama së bashku me kabinetin e tij ka mbërritur në vendin ku do të mbahet mbledhja e tetë e përbashkët mes dy qeverive, Kosovë-Shqipëri.
Kryeministri Albin Kurti ka pritur homologun e tij me ceremoni të lartë shtetërore, ku ka rreshtuar edhe gardën e FSK-së. Mbledhja pritet të zgjasë rreth dy orë, ku më pas të dy kryeministrat do të mbajnë një konferencë për shtyp.
Edi Rama dhe Albin Kurti u përshëndeten ngrohtësisht para nisjes së kësaj mbledhje, që këtë herë po mbahet në Prishtinë.
Në mbledhjen e sapo nisur pritet të nënshkruhen 19 marrëveshje mes të dyja vendeve.
