Kryedemokrati Basha ka vijuar turin me bizneset. Ai ka takuar qytetarët në njësinë nr 5 në Tiranë, ndërsa ka folur me ta lidhur me situatën aktuale. Të gjithë pa përjashtim ankohen për situatën pas COVID-19, ndërsa fitimi është i paktë, ose thuajse aspak. Shumë biznese janë në mbijetesë, dhe kjo faktohet nga deklaratat që qytetarët kanë dhënë në këtë video.
Basha bashkëngjitur videos në fjalë thotë se papunësia po rritet, dhe se varfëria po shtohet.
“Qeveria i braktisi bizneset dhe qytetarët në ditët e tyre më të vështira. Për 7 vjet u rriti taksat dhe çmimet, dhe kur kishin nevojë nuk u dha asgjë, sepse paratë u përdorën për koncesione e tendera korruptive. Pasojat janë dramatike. Ekonomi në krizë dhe biznese që mbyllen çdo ditë, papunësia po rritet, varfëria po shtohet.
Qytetarë dhe pronarë të bizneseve të vogla, të njësisë Nr. 5 në Tiranë, më treguan se mbijetesa po bëhet çdo ditë e më e pamundur. RAMAVIRUSI është pandemia që po godet çdo sektor të ekonomisë dhe varfëria është ulur këmbëkryq në familjet shqiptare”.
