Mbërrijnë në Rinas 10 mijë vaksina Sputnik, dhuratë nga Emiratet e Bashkuara

Dërgesa prej 10 mijë dozash është pritur, pak minuta më parë, në aeroportin ‘Nën Tereza” nga ministrja e Shëndetësisë Ogerta Manastirliu dhe ai i Ndërtimit Arben Ahmetaj. Sipas 2 të emëruarve nga kreu i shtetit për të negociuar me shtetet e tjera për sigurimin e vaksinës anticovid, kjo sasi është dhuratë nga Princi i Kurorës së Emirateve të Bashkuara, Muhammed Bin Zayed.

Vetëm pak javë më parë Rama refuzoi ‘dorën e shtrirë’ nga ambasada ruse në Tiranë për të ndihmuar shqiptarët me vaksinën Sputnik V.