Grupi prej 60 infermierësh që u nisën më herët ditën e sotme drejt Italisë, sapo kanë mbërritur në vendin fqinj.
Ata janë pritur në aeroport nga ministri i Jashtëm italian, Luigi di Maio, i cili i ka falënderuar për aktin e tyre.
Grupi i infermierëve u nisën rreth orës 15:00 nga Shqipëria në drejtim të Italisë, për t’i ardhur në ndihmë vendit në luftën kundër koronavirusit.
Ky është grupi i dytë i personelit shëndetësor që niset nga Shqipëri drejt vendit fqinj. Italia është një nga vendet më të prekura nga koronavirusi në botë. Deri më tani ajo numëron mbi 178 mijë raste infektimi dhe 23,660 viktima.
