Analisti i njohur, Shpëtim Nazarko shprehet se Shqipëria ka thyer njërën nga shtyllat kryesore të ekzistencës së saj.
Nazarko thotë se politika e ndjekur në 30 vitet e fundit e ka shkatërruar bujqësinë dhe blegtorinë. Sipas analistit, shkatërrimi i blegtorisë është një nga gjërat më të këqija pasi “për herë të parë në historinë e vet ndoshta pas komunizmit, plotëson 35 deri në 45% të nevojave të saj për mish”.
Ai shton se shtylla e dytë që e mban vendin është eksporti i materialeve të rënda si gurë apo çimento. Por këto sipas tij, nuk mund të zhvillohen nëse Shqipëria nuk ka porte apo hekurudha.
Analisti shprehet se Shqipëria ndodhet në një gjendje të tillë, ku duhet rithemeluar nga e para.
“Shqipëria ka thyer njërën prej shtyllave kryesore të ekzistencës së saj, bujqësinë dhe blegtorinë. Shumica e kritikuesve me të drejtë më thoshte se “ti i kërkon llogari për punëtorët tonë sezonal, të cilët shkojnë në Greqi sepse s’kanë asnjë mundësi, sepse tokat tyre janë të gasterizuara, subvencionet nga shteti mungojnë. Politikat agrare të Shqipërisë shpesh janë katandisur në historira partish, të cilat i shfrytëzojnë ministrat e tyre të Bujqësisë vetëm për të marrë ca vota, për të parë fshatarësinë vetëm se janë mbaru votash. Kritikat tjera kishin të bënin me politikën e ndjekur nga qeveritë e të dy krahëve, gjatë këtyre 30 vjetëve, të cilët kishin shkatërruar përfundimisht bujqësinë, që nga subvencionet e tokave, kanalizimet, pagesën e ulët, tregun mosfunksional etj. Pra Shqipëria praktikisht ka thyer njërën prej dy shtyllave që e mban, atë të bujqësi-blegtorisë. Kjo e dyta akoma më keq sepse plotëson për herë të parë në historinë e vet ndoshta pas komunizmit, plotëson 35 deri në 45% të nevojave të saj për mish. Shqipëria pra ka thyer shtyllën e parë të ekzistencës së saj. Pastaj mund të themi edhe shtyllën e dytë që duhet ta mbante, atë të tranzitit e cila është e lidhur me një formulim shumë të thjeshtë të problemit në këtë mënyrë. N.q.s eksportet e tua janë të materialeve të rënda si gurë apo çimento, ata nuk mund të zhvillohen kurrë në rast se ti nuk ke porte ose hekurudha. Pra jemi në një fazë të atillë ku Shqipëria për mendimin tim do rithemeluar nga e para”, thotë Shpëtim Nazarko.
