Çështja e maskave ka qenë objekt diskutimi dhe nga vetë Organizata Botërore e Shëndetësisë. Që në nisje të pandemisë, sugjerimet e saj ishin kontradiktore për mbajtjen e barrierave mbrojtëse.
Por në Shqipëri, me vendim të qeverisë nga nesër maska do të jetë e detyrueshme për të gjithë qytetarët në vend, edhe në ambientet e jashtme.
Për të gjithë shkelësit, do të aplikohen gjoba. Ndërkohë është publikuar edhe fletë-gjoba që është në dispozicion të policisë, për të pabindurit.
Sipas vendimit, të gjithë shkelësit do ndëshkohen me 3 mijë lekë gjobë dhe në raste përsëritje, gjoba është 5 mijë lekë.
