Referuar vendimit të ri të qeverisë, për ta bërë të detyrueshme mbajtjen e maskës kudo, si masë anti-Covid, ish-ministri i Drejtësisë, Ylli Manjani, thotë se kjo masë është si dënim me vdekje. Ai rrëfen problemet që ka me shëndetin, dhe se vendosja e maskës do ia vështirësonte edhe më shumë jetesën.
Manjani shprehet në Facebook se si pacient kronik mushkërish që është, mbajtja e maskës pa ndalim në mjedise të hapura, është e barabartë me dënim me vdekje. Atij i duket një vendim i nxituar. Në të njëjtën kohë mbështet vendimin në fuqi për mbajtjen e maskës në ambiente të mbyllura, ku rreziku është i lartë.
Statusi
Për mua personalisht, si pacient kronik mushkërish, mbajtja e maskës pa ndalim në mjedise të hapura është e barabartë me dënim me vdekje. Kur dal në mjedise të hapura përpiqet ti zgjedh që të siguroj ventilim maksimal mushkërive. Ndaj vendosja e një maske ma komplikon ndjeshëm këtë proçes të domosdoshëm natyral.
E ruaj veten sa më ska! Kam vite i mësuar me idenë e ruajtjes së vetes nga ndotja dhe virozat. Është afër mendsh të mendoj që policët apo qeveria e do shëndetin tim më shumë sesa unë vetë.
Ndaj nuk kam ndërmend të vdes nga një vendim administrativ i shtetit, që më ndalon të ventiloj mushkëritë e sëmura me ajër të pastër! Maskën e mbaj rregullisht në mjedise të mbyllura dhe në vende ku ka tubime njerëzish, por nëse urdhërohem ta mbaj gjithmonë praktikisht ky urdhër është dënim kundër shëndetit e jetës sime.
Nuk jam revolucionar, as bëj thirrje për revolucion. Por maskë në ajër të pastër nuk mund të mbaj! Thjesht e kam të pamundur. Njëkohësisht, nuk e kuptoj pse duhet të mbajnë maskë ata që e kanë kaluar virusin?! Ata as japin e as marrin më virus.
Ndaj ata që bëjnë rregulla e ata që i zbatojnë duhet të kuptojnë se jo të gjithë njerëzit janë të mundur ti zbatojnë ato. E përsëris: maska për tu mbrojtur në mjedise të mbyllura ose në vende me turma njerëzish po, duhet të jetë me detyrim, por jo gjithandej e jo për të pamundurit.
https://www.facebook.com/permalink.php?story_fbid=1041028206341619&id=100013033472627
