Kreu i shtetit, Ilir Meta ka mbajtur në dorë një flamur të SHBA-së, gjatë momentit kur firmosi dekretin kundër ligjit që i hoqi atij kompetencën, për betimin e gjyqtarëve të rinj të kushtetues.
Presidenti Meta sqaroi edhe arsyen e këtij veprimi, teksa u shpreh se për të SHBA është vendi i dytë pas Shqipërisë.
Një arsye tjetër që ai dha për këtë veprim ishte edhe fakti se, sipas tij në protestë kishin ardhur dhjetëra persona nga SHBA.
“Unë nuk e kam Amerikën të parën, të parën gjithmonë do të kem Shqipërinë.
Por Amerikën e kam të dytën dhe jam gati për hir të asaj që Amerika ka bërë për ne, për shqiptarët kudo, të bëj çdo gjë për Amerikën që nuk dëmton Shqipërinë dhe shqiptarët.
Këtë flamur e mora pasi kanë ardhur me dhjetëra dhe me qindra shqiptarë nga Amerika. Kanë lënë punët e tyre. Këtë flamur e ngrita në respekt të gjithë miqve tanë të mëdhenj në Amerikë.
Ta kalojmë tek betimi, për betimin duhet flamuri i Shqipërisë, flamuri Kuq e zi”, tha ai.
