Ndonëse mendojmë se mbajtja e një maske kirurgjikale në publik na mbron nga koronavirusi, ende nuk ka një provë për këtë. Maska kirurgjikale luan një rol në dhomën e kirurgjisë. Gjatë orëve të fundit është vënë re shtimi i qytetarëve drejt farmacive, për të blerë manskat mbrojtëse. Për shkak të lëvizjes së madhe me Italinë, ku numëron deri më tani 7 të vdekur, paniku është edhe më i madh.
Të shumtë kanë qenë ato qytetarë të cilët kanë dalë rrugëve me maska kirurgjikale, me shpresën se kjo do ti mbrojë nga ky virus i frikshëm.
Gjithsesi, mjekët janë skeptikë në lidhje me efektivitetin e maskës kirurgjikale në viruset që vijnë nga ajri.
“Mbajtja e maskës kirurgjikale në publik, nuk është një mënyrë efektive për të mbrojtur kundër viruseve dhe baktereve të ajrit”, tha David Carrington nga universiteti St. George për BBC, duke shtuar se këto maska mund të zvogëlojnë rrezikun e kontraktimit të virusit përmes teshtitjes dhe kollitjes dhe mbi duar, ose duke prekur gojën me duar.
Dr. Connor Bamford i Institutit për Mjekësi Eksperimentale në Universitetin Queen’s Belfast, thotë se kryerja e masave themelore të higjienës është shumë më efektive sesa një maskë kirurgjikale.
“Mbulimi i gojës, larja e duarve dhe shmangia e prekjes së gojës me duar, zvogëlon shumë rrezikun e çdo infeksioni dhe viruseve të frymëmarrjes”, shpjegon Bamford për BBC.
Maskat kirurgjikale janë ato të zakonshmet që tregtohen në masë në farmaci. Sipas një studimi të fundit, të vetmet që garantojnë siguri, 99% mbrojtje prej virusit janë maskat e llojit FFP3, që faktikisht janë në mungesë.
Momentalisht në qarkullim ka vetëm maska të llojit FFP2, që nuk garantojnë mbrojtje maksimale.
