Më herët Rama njoftoi vendimin për bërjen të detyrueshme vendosjen e maskës edhe në ambientet e jashtme, krahas atyre të mbyllura. Sipas kryeministrit, vendimi merret për të shpëtuar ekonominë dhe jetën, pasi vendi nuk do ta përballonte dot një mbyllje të dytë. Në kohën kur shumë hipoteza po hidhen në këtë drejtim, dhe ndryshojnë nga dita në ditë, një tezë e re ka ardhur nga ambientalisti Sazan Guri.
Teksa ka qenë i ftuar në “Shqipëria Live”, ai ka nxjerrë një hipotezë të re në lidhje me mbetjen e maskës. Sipas tij, mbajtja e maskës sjell sëmundje të gojës, e po kështu të bën edhe pak budalla.
“Mbajtja e maskës sjell sëmundjen e gojës që nga fyti, faringu, laringu. Pse nuk sëmuren ata që punojnë në çimento? Sepse i mbron goja. Mbajtja e maskës rrit nivelin e dyoksidit të karbonit në organizëm, dhe të bën edhe pak budalla”, tha Guri.
Sazan Guri ka qenë një ndër personat e parë që ka kundërshtuar mbajtjen e maskës, pas përhapjes së pandemisë së COVID-19.
