E mërkurë, 1 Prill, 2020
6 C
Tirana

Maska nga Pekini, para nga Brukseli/ COVID-19 vë në lëvizje botën për të mbështetur Italinë

Lexo edhe ...

Koronavirusi kurorëzon Ramën dhe për “X” vite të tjera

Nga Artur Zheji Është pothuajse e padyshimtë, që ky Rama, do të na plaket përpara syve, gjithmonë në pushtet dhe gjithmonë me shumë pushtet, rrethuar...

Koronavirusi/ Veliaj: Falen qiratë e banesave sociale për marsin dhe prillin

Kryebashkiaku i Tiranës, Erion Veliaj ka organizuar sot një mbledhje online me këshillin bashkiak. Gjatë kësaj mbledhjeje, Veliaj njoftoi se do të falen qiratë për...

“Mos bllokoni kamionët e Kosovës”/ Serbia i përgjigjet thirrjes së Ramës

Pas thirrjes që kryeministri Rama i bëri dje Vuçiç, që të liheshin të kalonin në dogana kamionët me targa të Kosovës, ka ardhur edhe...

Anulohet për herë të parë, një tjetër turne i dorëzohet koronavirusit

Një tjetër kompeticion i është dorëzuar koronavirusit. Bëhet fjalë për turneun e Wimbledon, i cili nuk ishte anuluar asnjëherë që nga Lufta e Dytë...

E ndihmojnë të gjithë Italinë, përveç Evropës? Jo: Kina, Rusia, Kuba dhe Vietnami dërgojnë maska mbrojtëse, BE-ja përgatit paketën më të madhe të ndihmës në histori. Gjermania trajton pacientë me Corona nga Italia.

Pllakata në Milano tregon Kinën duke i shtrirë dorën Italisë: „Armiku është virusi, jo njerëzit”. Para pak javësh kinezët i shanin dhe nënçmonin. Ata konsideroheshin si shkaku i virusit Corona, që shkaktoi një katastrofë kombëtare në Itali. Ndërkohë Kina konsiderohet si shpëtimtare në rrezik.

“Ekspertët kinezë kanë mbledhur shumë përvojë, që tani i nevojitet urgjentisht Italisë”, i deklaroi DW-së, Marcello de Angelis, zëdhënësi i Kryqit të Kuq italian. Në luftën kundër pandemisë Kina deri tani ka arritur suksese të konsiderueshme. Ndaj ne duam të bashkëpunojmë në nivel ndërkombëtar me ekspertët kinezë.”

Mirënjohje Kinës, kritikë Evropës

Pasi u ngadalësua përhapja e virusit në Kinë, ky vend mbështet tani 82 vende me teste, aparatura respirimi dhe veshje mbrojtëse. Javën e kaluar Kina dërgoi 300 mjekë dhe tonelata material mjekësor në Itali.

Po Evropa? Krahasuar me Kinën ndihma nga fqinjët evropianë për Italinë duket ende modeste. “Në fillim të pandemisë ne ishim të zhgënjyer nga reagimi i ngadaltë i BE-së”, thotë për DW, Elisabetta Gualmini, anëtare e grupit parlamentar të Aleancës Progresive të Socialdemokratëve në Parlamentin Evropian.

Por ndërkohë situata ka ndryshuar urgjentisht. “Shfuqizimi i Paktit të Stabilitetit duket si një revolucion, kjo do ta ndryshojë historinë e procesit të integrimit evropian”, parashikon Gualmini. Ajo nënvizon, se „nëse duhet përballuar kriza më dramatike ekonomike që nga koha e Luftës së Dytë Botërore atëherë është më mirë të kesh Evropën mbështetje, se sa të jesh vetëm.”

Ndihmë për imazh

Qysh tani është e qartë: Përmasat politike të ndihmës për zonat e katastrofës së Coronas i tejkalojnë ato të furnizimit të emergjencës për mjekësinë. Ndihma ka kaluar në nivelin e një instrumenti strategjik të politikës së jashtme. Një lloj gare në dobi të opinionit italian dhe ndërkombëtar duket se ka nisur.

Përshëndetje të përzemërta nga Moska: From Russia with love

Mjaft pozitiv e ka inskenuar presidenti i Rusisë Vladimir Putin mbështetjen ruse. Në fundjavë “Svesda”, televizioni i Ministrisë Mbrojtje të Rusisë tregoi, se si ngarkoheshin kamionët nga baza ushtarake në avionët transportues drejt Italisë. Me këta kamionë mund të dezinfektohen sheshet publike. Automjetet janë pajisur me flamuj rusë dhe italianë. Mesazhi: “From Russia with love”.

Edhe Kuba ka dërguar mjekë në Itali. Në fundjavë mbërritën në Lombardi 52 mjekë kubanezë. Kuba ka ndihmuar edhe Kinën me ekspertizë e madje ka fituar reputacion në mbarë botën me angazhimin ndaj krizës së Ebolas në Afrikën Perëndimore në vitin 2014.

Edhe Vietnami mbështet Italinë me teste për Coronan

Evropa e Gjermania fillimisht e humbën këtë garë. Por tashmë ndihmat kanë nisur intensivisht. Të mërkurën (25.03) në Romë dhe në Milano mbërritën dy avionë transporti të armatës italiane me shtatë tonë mjete mjekësore nga Gjermania, ndër to edhe aparatura respirimi që nevojiten urgjentisht.

“From Germany with love”?

Për këtë nuk u raportua në media. As në rrjetet sociale nuk u postuan imazhe me komentin “From Germany with love”. Vetëm ministri italian i Mbrojtjes Lorenzo Guerini falenderoi “miqtë dhe aleatët gjermanë për mbështetjen në këto momente të vështira”.

Në opinionin italian dominon imazhi, që Gjermania e ka lënë në baltë. Më 12 mars në kohën e gjendjes kombëtare të emergjencës u shfuqizua ndalimi i eksporteve, që ishte vendosur në rutinë, për materialet mjekësore. Kjo bëri që maskat mbrojtëse të porositura nga Italia të konfiskoheshin.

“Në fakt ky është një shembull negativ, që tregon se në krizë secili vend mendon fillimisht për vete”, thotë Sven Biscop në bisedë për DW. Drejtori i Thinktank belg “The Royal Institute for International Relations Egmont” është i sigurt, se kjo do të ndryshojë. “Të gjitha vendet do të jenë të varura prej ndihmës nga BE, për të përballuar krizën ekonomike”, thotë Biscop.

Ndërkohë Gjermania po punon për rikuperimin e imazhit negativ të krijuar. Pasi landi i Saksonisë deklaroi se do të trajtojë pacientë të prekur nga virusi Corona nga Italia, edhe Bavaria dhe Renania Veriore – Vestfalia (NRW) ofruan një shërbim të tillë. Në NRW do të sillen dhjetë pacientë me avionë të ushtrisë italiane. “Kjo është një mbështetje e vogël”, tha kryeministri i landit Armin Laschet për mediat. „Por ne duam të sinjalizojmë, që ju nuk jeni vetëm”, shtoi ai./DW

- Reklama -

Më shumë nga kategoria



Të fundit

Koronavirusi kurorëzon Ramën dhe për “X” vite të tjera

Nga Artur Zheji Është pothuajse e padyshimtë, që ky Rama, do të na plaket përpara syve, gjithmonë në pushtet dhe gjithmonë me shumë pushtet, rrethuar...

Koronavirusi/ Veliaj: Falen qiratë e banesave sociale për marsin dhe prillin

Kryebashkiaku i Tiranës, Erion Veliaj ka organizuar sot një mbledhje online me këshillin bashkiak. Gjatë kësaj mbledhjeje, Veliaj njoftoi se do të falen qiratë për...

“Mos bllokoni kamionët e Kosovës”/ Serbia i përgjigjet thirrjes së Ramës

Pas thirrjes që kryeministri Rama i bëri dje Vuçiç, që të liheshin të kalonin në dogana kamionët me targa të Kosovës, ka ardhur edhe...

Anulohet për herë të parë, një tjetër turne i dorëzohet koronavirusit

Një tjetër kompeticion i është dorëzuar koronavirusit. Bëhet fjalë për turneun e Wimbledon, i cili nuk ishte anuluar asnjëherë që nga Lufta e Dytë...

“Vëllai ka 10 ditë me simptomat e Koronavirusit”,Memushaj:Dëshiroj ta mbyll karrierën në…Vlorë

Italia është duke përjetuar një situatë të tmerrshmë për shkak të Koronavirus, që është përhapur në mënyrë të frikshme, duke shkaktuar me mijëra viktima....
Kthehu
WhatsApp KONTAKTO TT