Presidenti Ilir Meta ka zhvilluar një takim me Drejtorin e Zyrës së Organizatës Botërore të Shëndetësisë në Tiranë, Dr.Raul Gonzalez.
Përmes një postimi në Facebook, Meta bën me dije se kanë diskutuar në lidhje me masat mbrojtëse të marra nga institucionet shqiptare për përballimin e koronavirusit.
Kreu i shtetit iu bën apel qytetarëve që të zbatojnë këshillat e stafeve mjekësore, për të evituar përhapjen e virusit.
Postimi i plotë:
Një bisedë konstruktive me Drejtorin e Zyrës së Organizatës Botërore të Shëndetësisë në Tiranë, Dr.Raul Gonzalez, lidhur me masat mbrojtëse të marra nga institucionet tona shtetërore për përballimin me pasoja sa më të lehta të coronavirusit.
Nuk ka vend për panik, por kujdesi duhet të jetë maksimal nga çdo qytetar!
Është i domosdoshëm zbatimi me rigorozitet i protokollove shëndetësore dhe i këshillave të stafeve mjekësore nga të gjithë!
SË BASHKU PËR TË MBROJTUR SHËNDETIN E ÇDO QYTETARI!
