Në kuadër të masave për parandalimin e përhapjes së koronavirusit është vendosur të mbyllet edhe pika kufitare mes Shqipërisë dhe Kosovës.
Lajmin e bën të ditur Qendra Kombëtare për Menaxhim Kufitar e Kosovës, e cila njofton se kjo pikë kufitare do të qëndrojë e mbyllur deri me 15 mars.
Bëhet me dije se automjetet e vetme që do të lejohen të kalojnë janë ato të shëndetësisë, mallrave dhe ato qeveritare.
“QKMK ju njofton: për masat e ndërmarra nga ana e autoriteteve të Republikës së Shqipërisë, sa i përket qarkullimit kufitar për në Republikën e Shqipërisë. Duke filluar nga data 13/03/2020, në ora 06.00, do të ndalohet hyrja në territorin e Republikës së Shqipërisë, për te gjithë shtetasit / veturat e Republikës së Kosovës. Do te lejohet hyrja vetëm e veturave te shëndetësisë / ndihmës së shpejt , automjeteve komerciale (ata te cilat bartin mallra) dhe veturave qeveritare. Kjo masë do të zgjasë deri me datë, 15/03/2020 në ora 24.00”, thuhet në njoftimin e QKMK-së.
