Një grup qytetarësh dolën paraditen e sotme në “Sheshin Skënderbej”, në një marshim paqësor kundër dhunës ndaj fëmijëve.
Marshimit iu bashkuan qytetarë, figura politike dhe shoqëria civile. Gjithashtu pjesë e këtij marshimi ishte edhe kryetarja e Kuvendit, Lindita Nikolla.
Nikolla duke folur për masakrën në Fier, ku një 38-vjeçar i mori jetën një 8-vjeçari, tha se kjo është një ngjarje e rëndë, e cila ka tronditur mbarë shoqërinë. Marrë shkas edhe nga qëndrimi i qytetarëve, të cilët janë për dënimin me vdekje, ajo tha se nuk është vendim i duhur dhe se nuk duhet marrë në bazë të emocioneve të forta.
“Shqipëria është pjesë e BE, dhe sinqerisht unë nuk mendoj që ky dënim dhe kthimi pas në këtë vendim do të jetë gjëja e duhur. Ka shumë momente të tjera, por janë vendimmarrje që nuk duhen marrë në emocione të forta”, tha më tej Nikolla, ndërsa shtoi se Parlamenti po adreson një ligj që lidhet me regjistrin e dhunuesve.
