Ministri i Shëndetësisë së Kosovës, Armend Zemaj, ka njoftuar me anë të rrjeteve sociale se është mbledhur Bordi Këshillëdhënës për pandeminë.
Të pranishmit kanë diskutuar lidhur me situatën epidemiologjike, dhe sfidat me të cilat po përballen në menaxhimin e pandemisë.
Ai dhe një herë tjerër nënvizon se respektimi i masave nga ana e qytetarëve, është rruga e duhur për të mposhtur virusin vdekjeprurës.
Zyrtari tregon se rekomandimet e bordit janë qenësore, të cilat dëshmojnë përkushtim, ekspertizë dhe besueshmëri.
Statusi
Gjatë takimit të sotëm me Bordin Këshillëdhënës diskutuam për situatën epidemiologjike dhe sfidat me të cilat po përballemi në menaxhimin e pandemisë.
Rekomandimet e Bordit janë qenësore, duke dëshmuar përkushtim, ekspertizë dhe besueshmëri.
Respektimi i masave nga ana e qytetarëve dhe mbikëqyrja rigoroze e zbatimit të masave, janë rruga e konfirmuar e suksesit kundër virusit.
Bashkë ia dalim!
