E mërkurë, 28 Korrik, 2021
27.5 C
Tirana

“Masa shtrënguese për koronavirusin”, urdhër i ri nga Manastirliu

Ministrja e Shëndetësisë, Ogerta Manastirliu, ka një apel të hapur ndaj të gjithë qytetarëve të cilët nuk zbatojnë rregullat, për mos prekjen e koronavirusit. Duke kërkuar kujdes maksimal nga ana e qytetarëve, ministrja tha se “çfarë do mbjellësh sot, do korrësh nesër”.

Në një konferencë për shtyp, Manastirliu kërkoi sërish nga shqiptarët që të mos grumbullohen. Duke nënvizuar se shëndeti i qytetarëve është mbi gjithçka, ajo paralajmëroi të gjithë bizneset me një gjobë, nëse shkelin rregullat e vendosura.

“Për të thënë të vërtetën, ka ende jo pak qytetarë që i sfidojnë këto rekomandime e rregulla që kemi nxjerrë. Nuk është fenomen dhe as vetëm shqiptar. Kjo është tamam çfarë mbjell sot, do të korrësh nesër, prandaj qeveritë dhe njësoj dhe qeveria jonë, bazuar në sugjerimet e komitetit të ekspertëve, kanë përgjegjësinë e përshkallëzimit të masave.

Qytetarët nuk e kanë marrë siç shihet me seriozitetin e duhur, shmangien e mjediseve publike, bareve e restoranteve, shumë prej të cilave kanë qenë të mbipopulluara. Kjo nuk është një kohë për të sfiduar armikun me papërgjegjshmëri, por për t’u mbrojtur prej tij. Kjo është një kohë për të treguar kujdes maksimal, që nesër të kemi pasoja që sot mund t’i shmangim. A i duam aq sa themi fëmijët tanë, të moshuarit, prindërit? Them se po, atëherë ta tregojmë me vepra.

Ndaj duke kërkuar mirëkuptimin e gjithësecilit, në këtë betejë që do ta fitojmë vetëm nëse e përballojmë së bashku, ju bëj me dije se në cilësinë e Ministres së Shëndetësisë dhe Mbrojtjes Sociale, me vendim te Komitetit te Eksperteve i kam propozuar Këshillit të Ministrave përshkallëzimin e masave si më poshtë:

  1. Mbylljen deri në një njoftim të dytë, të të gjitha bareve, lokaleve, restoranteve dhe klubeve, në Tiranë dhe Durrës fillimisht.
  2. Caktimin e një gjobe në masën 5 mijë euro, për të gjithë ata qytetarë që vijnë nga zonat e prekura dhe nuk zbatojnë urdhërin e vetëkarantinimit të detyrueshëm apo ata qytetare qe nuk zbatojne vetkarantinimin pas konfirmimit te diagnozes.
  3. Caktimin e një gjobe në masën 20 milionë lekë të vjetra për të gjithë baret, restorantet, lokalet apo klubet që nuk e zbatojnë këtë vendim dhe rihapen në shkelje të tij.
  4. Vendosjen e distancës së sigurisë mes punonjësve, prej 1.5 metra, në të gjitha bizneset që nuk mund të mbyllen për arsye të zinxhirit ekonomik.
  5. Reduktimin në maksimum të personelit të call center-ave, dhe garantimin e distancave dhe të kushteve mbrojtëse për çdo punonjës! Sa me siper, kërkojmë mirëkuptimin tuaj për veten tuaj, për familjet tuaja dhe për familjet e punonjësve tuaj”.
Lexo edhe :   Shënohet viktima e parë pas një muaji nga Covid-19
- Reklama -

Më shumë nga kategoria




Të fundit

Raporti OSBE/ODIHR si shoshë për humbjen e opozitës

Nga Alfred Peza Raporti përfundimtar i misionit të vëzhguesve ndërkombëtare të OSBE/ ODIHR për zgjedhjet e 25 prillit në Shqipëri, po përdoret si flakë kashte...

Rama me Zaevin e Vuçiçin në Shkup/ Kurti refuzon ftesën: Nuk ka miratimin tonë

Zyra e qeverisë së Kosovës, ka konfirmuar se Kryeministri Albin Kurti nuk do të jetë nesër i pranishëm në Samitin e Shkupit, ku do...

Gjetja e personave të zhdukur në komunizëm/ VOA: E vështirë pas 30 vitesh

Nga Pëllumb Sulo (VOA) Familjarë të viktimave dhe të zhdukurve në komunizëm për shkak të bindjeve politike u takuan të mërkuren në Shkodër me përfaqësuesin...

Detaje/ Rama, Zaev dhe Vuçiç do të nënshkruajnë marrëveshje ndërshtetërore

Kryeminsitri Edi Rama, ndodhet për një vizitë zyrtare në Maqedoninë e Veriut, me ftesë të homologut të tij, Zoran Zaev. Në Shkup, dy krerëve...

Hedh në gjyq ujësjellësin për 70 mijë lekë, shpenzon 300 mijë për gjyqin

Për 70 mijë lekë të vjetra mbifaturim, hedh në gjyq Ujësjellës Kanalizime, Vlorë. Shpenzon mbi 30 mijë lekë të reja për avokat e proces...