Diego Maradona është mjaft i zhgënjyer me paraqitjen e fundit të skuadrës argjentinase, kundrejt Venezuelës, ndaj së cilës humbi me rezultatin 3-1.
Por, Maradona mendon se Messi nuk është përgjegjës për këtë. Madje, ai e ka sugjeruar yllin argjentinas që të injorojë kritikët, teksa e ka përshkruar skuadrën e Argjentinës si “të paorganizuar”.
“Messi duhet të injorojë kritikët, nuk është faji i tij. Ai është në një skuadër të keqe dhe të paorganizuar. Një skuadër që varet tek ai në çdo rrethanë. Ai është një lojtar mahnitës, nuk ka çfarë t’u provojë të tjerëve”, tha Maradona.
I pyetur nëse e pa ndeshjen, ai tha me ironi se “preferon të mos shohë filma horror”.
“Skuadra aktuale nuk e meriton të veshë fanellën. Më vjen keq për argjentinasit, që vazhdojnë ta besojnë këtë gënjeshtër dhe më vjen keq për lojtarët që duhet të marrin pasojat kur njerëzit që duhet ta bëjnë këtë, janë drejtorët.”/ Tirana Today
