Maqedonia e Veriut vijon të regjistrojë një numër të lartë të rasteve të reja me koronavirus.
Gjatë 24 orëve të fundit, vendi fqinj ka shënuar 111 raste të reja me COVID-19. Kështu shkon në 3,025 numri total i personave të infektuar në Maqedoninë e Veriut.
Nga rastet e reja, 63 janë shënuar në Shkup, 11 në Kumanovë, 12 në Shtip, 9 në Koçan, 8 në Tetovë, 3 në Veles dhe nga 1 në Ohër, Gostivar dhe Kriva Pallankë.
Gjithashtu në 24 orët e fundit kanë humbur jetën edhe dy persona. Viktimat janë një grua nga Struga 53 vjeçe dhe një burrë nga Prilepi i moshës 80-vjecare.
Shkupit mbetet qyteti me numrin më të lartë të të infektuarve me 1 264 raste ndërsa brenda qytetit, komuna e Çairit është me numrin më të lartë, me 125 të infektuar.
Deri më tani, 1.646 persona janë shëruar ndërsa 1.226 raste janë ende aktive.
