Ministri i Jashtëm i Maqedoniës së Veriut, Bujar Osmani tha se Bashkimi Evropian duhet të bëjë më shumë për të ndihmuar vendin e vogël të Ballkanit të marrë vaksinat Covid-19.
Gjatë një vizite në Paris ai ka thënë se vendi i tij kishte qenë në gjendje të fillonte një fushatë modeste vaksinimi falë dhurimeve të disa mijëra dozave të vaksinave nga Serbia, shkruan Barrons.
Por ai shprehu keqardhje për mungesën e ndonjë ndihme të BE-së, duke thënë se Brukseli po dërgonte mesazhin e gabuar në Ballkan duke lënë rajonin pa vaksina.
Po ashtu, Osmani tha se Maqedonia e Veriut vitin e kaluar kishte porositur dhe paguar 800,000 doza të vaksinave Astra Zeneca përmes sistemit Covax të Organizatës Botërore të Shëndetësisë dhe pagoi 800,000 doza të tjera nga grupi Pfizer direkt por asgjë nuk ka ardhur në Maqedoni ende”
“Çdo ditë që po vonojmë vaksinat vë më shumë njerëz në rrezik, veçanërisht ata të prekshëm. Qeveria e tij po përpiqej të siguronte vaksinat kineze, me 200,000 doza Sinopharm që priten në ditët në vijim,” u shpreh ai.
