E premte, 26 Shkurt, 2021
10 C
Tirana

Fakte mahnitëse dhe befasuese rreth miliarderit dhe filantropit Bill Gejts

Shumica e njerëzve dinë vetëm 3 gjëra mbi Bill Gejts. Së pari, që ai është një nga njerëzit më të pasur në botë. Së dyti, që ka themeluar një nga kompanitë e teknologjisë më të suksesshme në të gjitha kohërat, Microsoft.

Dhe së treti, që përmes Fondacionit Bill & Melinda Gates, ai është një nga bamirësit më të mëdhenj në botë. Por, përkundër misioneve të tij filantropike dhe pranisë së tij të vazhdueshme në internet, ka shumë gjëra për Bill Gejts, që nuk dihen nga shumë njerëz.

Kur ishte adoleshent në shkollën Lakeside Prep, Gejts shkroi programin e tij të parë kompjuterik në një kompjuter të kompanisë General Electric. Ishte një version i “tic-tac-toe” ku mund të luash kundër kompjuterit. Po gjatë adoleshencës Gejts lexoi të gjithë serinë e “Enciklopedisë botërore të librit”.

Gjatë provimeve të pranimit në universitet, Gejts arriti të marrë notën absolute me gati 1.590 pikë nga 1.600 të mundshme

Miliarderi amerikan ka pothuajse të gjithë koleksionin e plotë të serisë së makinave luksoze Porsche. Më e preferuara e tij është Porsche 959, e blerë 13 vjet para se makina të aprovohej nga Agjencia e Mbrojtjes së Mjedisit të SHBA-së apo Departamenti amerikan i Transportit.

Gjatë udhëtimeve me avion, Bill Gejts përdorte zakonisht klasin ekonomik. Sot ai lëviz me avionin e tij të blerë në vitin 1997, të cilin ai e quan si “çmenduria e tij e madhe”.

Përveç avionit, një nga marrëzitë më të mëdha të Gates u bë për “Leicester Code” (i njohur gjithashtu si Kodi Hammer), një koleksion i shkrimeve të gjeniut italian të Mesjetës Leonardo da Vinçi. Ai e bleu atë në një ankand të vitit 1994 për shumën 30.8 milion dollarë.

Lexo edhe :   Nëntë fakte që duhet të dinë politikanët shqiptarë për SHBA

Pavarësisht pasurisë së tij të madhe, Gejts ka deklaruar në media se fëmijët e tij do të trashëgojnë vetëm 10 milion dollarë secili, pra një pjesë shumë të vogël të pasurisë së tij prej 90.9 miliardë dollarësh. “T’u lësh fëmijëve trashëgim shuma të mëdha parash nuk do ishte diçka e mirë për ta”- thotë ai.

Ndonëse pjesën më të madhe të kohës e kalon me fondacionin e tij, Bill Gejts thotë se punon me Microsoft përmes “agjentit personal”, që e kujton për gjithçka, e ndihmon të gjejë gjërat, dhe të zgjedhë se kujt t’i kushtojë vëmendje.

Gejts thotë se nëse Microsoft nuk do të kishte funksionuar, ai do të kishte qenë me siguri një studiues i inteligjencës artificiale.

Lexo edhe :   Nëntë fakte që duhet të dinë politikanët shqiptarë për SHBA

Pavarësisht interesit të tij mbi inteligjencën artificiale, Gejts thotë se është “më shumë i përfshirë në këtë fushë, sesa ata që merren me super inteligjencën”. Kjo fushë përfshin gjithashtu udhëheqës të shquar në shkencë dhe teknologji, si miliarderi tjetër Ilon Mask dhe i ndjeri Stefën Houking.

Banda e preferuar muzikore e Bill Gejt? Weezer . Ai rendit edhe grupin U2 midis “të preferuarave” të tij, dhe thotë se pret që ai të rikthehet në ndonjë turne muzikor.

Gejts thotë se lexon 50 libra në vit. “Leximi është ende mënyra kryesore për të mësuar gjëra të reja, dhe për të testuar dijet e mia”-thotë ai.

Gejts nuk flet asnjë gjuhë të huaj. Ky, thotë ai, është pendimi i tij më i madh në jetë deri më tani.

Burimi i lajmit: https://it.businessinsider.com/13-fatti-incredibili-e-sorprendenti-su-bill-gates/

Përshtatur nga TIRANA TODAY

- Reklama -

Më shumë nga kategoria




Të fundit

Bardhi kallëzon Ballën në SPAK: Vartësit e tij kërcënojnë qytetarët për votën

Drejtuesi politik i PD në Elbasan, Gazment Bardhi, ka kallëzuar penalisht në SPAK rivalin e tij në këtë qark, Taulant Ballën. Gjatë intervistës në emisionin...

UNICEF sjell në Kosovë shiringa për vaksinën kundër Covid-19

Shefi i zyrës së UNICEF-it (Fondi i Kombeve të Bashkuara për Fëmijë) në Kosovë, Murat Sahin përmes një postimi në llogarinë e tij në...

Kush do i fitojë zgjedhjet e 25 prillit? Del sondazhi i IPSOS

Top Channel në bashkëpunim me gjigantin botëror të sondazheve, kompaninë IPSOS, publikon të dhënat e sondazhit për zgjedhjet e 25 Prillit në emisionin “Open”...

Studimi i ri: Ja çfarë ndikimi ka mbajtja e maskës në rrahjet e zemrës

Studiuesit në Spitalet Universitare Rainboë Babies & Children (UH Rainbow), botuan të mërkurën të dhënat e një studimit të ri, që tregon se mbajtja...

Çfarë fshihet pas dorëheqjes së Bamir Topit nga FRD? Bardhi zbardh detaje

Sekretari i Përgjithshëm i Partisë Demokratike, njëherazi drejtues politik në Qarkun e Elbasanit, Gazment Bardhi, komentoi mbrëmjen e sotme largimin e Bamir Topit nga...