Ish-ministri i Drejtësisë, Ylli Manjani, ka dhënë vlerësimin e tij për projekt-rezolutën për Kushtetuesen. Ai që në krye të herës nënvizon faktin se rezoluta nuk ka asnjë vlerë ligjore. Manjani këshillon qytetarët që ti hedhin një sy Kushtetutës, e në të nuk do të gjejnë fjalën rezolutë.
“Rezoluta parlamenti ynë ka miratuar plot në vite, por të gjitha janë të natyrës deklarative jo normuese, as urdhëruese”, thekson ai ndër të tjera në Facebook.
Sot Kuvendi miratoi me 97 vota pro projekt-rezolutën për ngritjen e Gjykatës Kushtetuese. Kjo rezolutë ka për fokus ndalimin e emërimit të Marsida Xhaferllarit si anëtare e Gjykatës Kushtetuese, në të njëtin vend me Arta Vorpsin.
Sipas kësaj projekt-rezolute, gjyqtarja Marsida Xhaferllari e dekretuar nga presidenti është akt nul. Ndërsa Arta Vorpsi bashkë me Elsa Toska dhe Fiona Papajorgji, të votuara në seancën e së hënës duhet të nisin detyrën, si anëtare të Gjykatës Kushtetuese.
‘Presidenti të reflektojë’/ Kuvendi në unison ‘kundër’ presidentit
