Ish-Ministri i Drejtësisë, Ylli Manjani ka komentuar vendimin që mori Kolegji Zgjedhor sot, i cili nuk e njohu dekretin e presidentit Meta, për anulimin e zgjedhjeve të 30 qershorit.
Në një postim në Facebook, Manjani shprehet se nuk ka njeri që nuk e ka kuptuar se sistemi i drejtësisë është në duart e kryeministrit Rama.
“Nuk e di a ka mbetur më njeri, se peshqit e kanë marrë vesh të gjithë, që se di që Drejtësinë e kontrollon Edi Rama”, shkruan Manjani në postimin e tij.
Më tej, ai vijon duke bërë thirrje se kush voton më datë 30 qershor, nuk është më demokracinë por me diktaturën.
Postimi i plotë:
Nuk e di a ka mbetur më njeri, se peshqit e kanë marrë vesh të gjithë, që se di që Drejtësinë e kontrollon Edi Rama!
Nuk jua bën syri tërrt as kur shteti është në kolaps dhe kur pushteti po bën gati grushtin e shtetit!
Le të lutemi ende që të vijë arësyeja tek të paarsyeshmit.
Të paktën të kemi paqe, se demokraci e shtet do na duhet pak kohë që ti kemi.
Ndërkohë, kush voton në votimet e çmendura që i ka thirrë pushteti dhe jo Kushtetuta dhe ligji është me diktaturën!
Mosvotimi është shpresë për demokracinë!
