Në vijim të prezantimit të strategjisë së rihapjes graduale, Ministrja e Shëndetësisë, Ogerta Manastirliu deklaroi se prej datës 11 Maj do të lehtësohen një grup tjetër biznesesh. Behet fjalë për parukeritë, berberët, dentistët dhe dyqanet në qendrat tregtare, të cilat do të hapen me protokolle rigoroze sigurie.
“Në planin tonë të dy javëve që do të pasojnë, duke filluar nga data 11 Maj e në vijim, planifikojme të vijojmë me disa lehtësime masash, por me protokolle rigoroze sigurie për një grup tjetër biznesesh, siç janë parukeritë, berberë, dentistë dhe dyqane në qendra tregtare.
Nga java që nis, do të njihen me protokollet specifike, dhe do duhet që këto subjekte të marrin masa për organizimin e shërbimit me kushtet e reja“, tha Manastirliu.
