Ministrja e Shëndetësisë, Ogerta Manastirliu, ka publikuar sot pamjet nga brenda spitalit “Shefqet Ndroqi”, i njohur ndryshe si spitali Covid 2.
Manastirliu bën thirrje për mbajtjen e maskës dhe ruajtjen e distancimit fizik, si masa për të shmangur përhapjen e koronavirusit. Sipas saj, se kjo është e vetmja mënyrë që të ndihmohet sistemi shëndetësor për të përballuar pandeminë në Shqipëri.
Në video një prej infermiereve të spitalit thotë se koronavirusi nuk duhet nënvlerësuar, pasi shumica e pacientëve të shtruar kanë qenë në gjendje të mirë por tani janë duke luftuar për jetën.
Pamjet vijnë pas diskutimeve dhe dyshimeve të ngritura në rrjete sociale, lidhur me atë çfarë ndodh brenda spitaleve Covid në vend dhe arsyes se pse të infektuarve nuk iu lejohen celularët.
