Mali i Zi ka regjistruar sot numrin më të lartë të viktimave nga koronavirusi, që prej shpërthimit të pandemisë.
Gjatë 24 orëve të fundit, vendi fqinj ka shënuar 4 të vdekur dhe 50 raste të reja me COVID-19.
Në një konferencë për shtyp, zv/drejtori i Institutit të Shëndetit Publik, Senad Begiq, tha se janë testuar 481 persona, si dhe se 163 pacientë ishin shëruar.
Që nga fillimi i pandemisë në Mal të Zi, janë regjistruar gjithsej 3.411 pacientë pozitivë, ndërsa 57 persona kanë vdekur, nga të cilët 48 kanë vdekur në periudhën nga fillimi i qershorit deri më sot. Shumica e pacientëve janë në Podgoricë.
