Ish-ministri i Financave, Arben Malaj ka komentuar deklaratën e deputetit të zgjedhur Petro Koçi, i cili tha se në Fier, individë të botës së krimit kanë përfituar tendera publikë.
Përmes një postimi në rrjetet sociale, Malaj u shpreh se Struktura e Posaçme kundër Korrupsionit dhe Krimit të Organizuar (SPAK), pritet që të pyesë Koçin jo vetëm për tenderat e bashkisë së Fierit, por edhe për akuzat e mëhershme publike ndaj Edi Ramës.
Sipas Malajt, Koçi do të duhet të përgjigjet për akuzat “Një pallat – një votë” dhe për korruptimin partiak nëpërmjet sistemit “votues një përdorimësh” në kongreset e Rilindjes, akuza që ish-ministri i ka bërë më herët kundrejt kryeministrit Rama.
”SPAK pritet ta pyes Petron edhe per akuzen publike “Nje pallatë – Nje votë. Nje koleg socialist nga Fieri ka bindjen se meqenese SPAK po heton korrupsioni gjate gjithe tranzicionit, do ta pyes ish kryetarin e Partise se Socialisteve te Vertete ( PSV91) edhe per akuzat e tij publike kunder Rame si :
“Nje pallatë – Një votë”, dhe per korruptimin partiak nepermjet sistemit të “Votuesve një përdorimësh” ne kongreset e Rilindjes. Kjo do te vertetoi se Petro nuk po I sherben askujt por por vetem taksapaguesve fierake, shqiptare dhe nderkombetare! Pavaresisht nga hezitimi i disa socialisteve nga Fieri – Petro e meriton mirenjohjen per sensibilizimet mediatike.”, shkruan Malaj në rrjetin social, Facebook.
SPAK thërret Petro Koçin për të dëshmuar
Struktura e Posaçme kundër Korrupsionit dhe Krimit të Organizuar (SPAK), ka thirrur për të dëshmuar deputetin e zgjedhur të Partisë Socialiste, Petro Koçi. Pritet që ai të japë dëshminë e tij të hënën.
Ky i fundit, bëri një deklaratët të fortë pak ditë më parë, ku tha se individë të botës së krimit dhe të drogës, kanë përfituat tendera publikë në Fier. Ditën e djeshme, SPAK hapi një çështje për të verifikuar deklaratën e ish-zv.ministrit të Mbrojtjes.
Koçi nuk përmendi emra konkretë, por i kërkoi SPAK-ut që të reagojë, dhe disa ditë më vonë, duket se ky institucion ka filluar nga puna, për të zbardhur ato që tha deputeti i ardhshëm i parlamentit.
Çfarë tha Petro Koçi
“Efektet e SPAK dhe të Reformës në Drejtësi po japin rezultat. Bota e krimit dhe te korruptuarit kanë filluar të ndjejnë frikë nga ligji. Këto efekte i mirëpresim edhe në Fier ku duart e krimit janë shtrirë mbi financat publike. Protagoniste të trafikut të drogës dhe të dhunës tashmë kanë legalizuar subjekte biznesi që fitojnë tendera publike. Këtë e realizojnë ose nëpërmjet lidhjeve të drejtpërdrejta me ndonjë titullar institucionesh ose nëpërmjet kërcënimit të zyrtareve të caktuar që ekzekutojnë prokurimet si edhe nëpërmjet eliminimit të konkurrenteve në procesin e tenderimit duke kërcënuar pronarët e subjekteve të biznesit. Të fuqizuar sidomos duke lare paratë e pista në industrinë e ndërtimit ata vazhdojnë të përvetësojnë fitime kolosale nga taksat tona. Organet ligjzbatuese nuk duhet të lejojnë që qyteti ynë t’i nënshtrohet botës së krimit të organizuar”.
