Rreth një orë më parë, vendi është prekur nga dy lëkundje të njëpasnjëshme. Teksa një sërë banesash mbarë vendit kanë pësuar dëme të shumta, në Fakultetin e Gjeologji Minierave ka pësuar dëmtime shumë të mëdha. Në video duken mure të rrëzuara të godinës që ndodhet pranë Liqenit Artificial të Tiranës, ndërtuar rreth vitit 1961.
Lëkundjet e forta sizmike kanë dëmtuar rëndë muret e fakultetit. Nga shembja e fasadës së godinës kanë pësuar gjithashtu dëme edhe dy makina të parkuara pranë godinës së fakultetit. Ndërkohë, nga të dhënat paraprake nuk raportohet për të lënduar. Pasi nuk ka pasur studentë, pedagogë apo njerëz aty pranë.
