Poligrafi ose “makina e të vërtetës”, u shpik në 1921 nga Xhon Larson. U përdor për herë të parë nga policia e Kalifornisë në SHBA.
Pajisja bazohet në ndryshimin e tensionit të gjakut, nga ku gjykohet nëse një person po thotë apo jo të vërtetën. Në SHBA, zhvillohen rreth 2.5 milionë teste çdo vit, me një kosto mbi 2 miliard dollarë.
Ato përdoren nga FBI, CIA, dhe shumë departamente të policisë, për hetimin e të dyshuarve. Por edhe për të testuar paraprakisht punonjësit e rinj. Por koha ka treguar se poligrafi nuk është aq i saktë në identifikimin e gënjeshtarëve.
Ndaj përdoret shumë pak në vende të tjera të botës. Në shumë raste, kjo makineri ka dështuar të zbulojë spiunët e Bashkimit Sovjetik në SHBA. Shumë vrasës serialë, ia kanë hedhur disa herë testit të poligrafit, pasi kanë nivele ankthi shumë më të ulëta nga njerëzit normalë.
Ndërkohë, “pre” e këtij testi bien rregullisht njerëz të pafajshëm. Ata emocionohen shumë, kur vihen përballë kësaj makinerie. Dhe ajo i klasifikon si gënjeshtarë, edhe kur janë duke thënë të vërtetën.
TIRANA TODAY
