Vajza e Majlinda Bregut, Kejda përflitet prej kohësh tashmë se ndodhet në një lidhje me djalin e ish-guvernatorit Ardin Fullani, Erikun.
Fillimisht ishin disa postime në rrjetet sociale të Erikut dhe Kejdës ato që tërhoqën vëmendjen e të gjithëve dhe që shtuan dyshimet për një romancë të mundshme.
Ndërkohë ditën e djeshme u përhap në media lajmi se Kejda i kishte dhënë fund beqarisë, pas fotos që ajo kishte postuar në Instagram ku dallohej një çift të sapomartuarish.
Mirëpo pas lajmeve që bënë bujë gjatë ditës së djeshme ka ardhur edhe reagimi i ish-ministres së Integrimit, Majlinda Bregu përmes një fotoje të postuar në Instagram.
“Fakti që kandilët e detit kanë jetuar për 650 milion vjet, pavarësisht se nuk kanë tru, i jep shpresë shumë njerëzve”, shkruhet në foton e publikuar nga mamaja e Kejdës.
https://www.instagram.com/p/B1IugUXApxy/?utm_source=ig_web_copy_link
Kjo ka bërë që sot të përflitet se postimi i Majlindës ka lidhje me lajmet që qarkulluan për martesën e vajzës së saj, por megjithatë mund të jetë edhe thjeshtë një mesazh që ish-deputetja preferoi ta ndajë me ndjekësit e saj.
